Parallel

Job 37

Swete's Septuagint · Berean Standard Bible

37:1

καὶ ταύτης ἐταράχθη ἡ καρδία μου καὶ ἀπερρύη ἐκ τοῦ τόπου αὐτῆς.

—

37:2

ἄκουε ἀκοὴν ἐν ὀργῇ θυμοῦ Κυρίου. καὶ μελέτη ἐκ στόματος αὐτοῦ ἐξελεύσεται.

—

37:3

ὑποκάτω παντὸς τοῦ οὐρανοῦ ἀρχὴ αὐτοῦ, καὶ τὸ φῶς αὐτοῦ ἐπὶ πτερύγων τῆς γῆς.

—

37:4

ὀπίσω αὐτοῦ βοήσεται φωνῇ. βροντήσει ἐν φωνῇ ὕβρεως αὐτοῦ· καὶ οὐκ ἀνταλλάξει αὐτούς, ὅτι ἀκούσῃ φωνὴν αὐτοῦ.

—

37:5

βροντήσει ὁ ἰσχυρὸς ἐν φωνῇ αὐτοῦ θαυμάσια, ἐποἰησεν γὰρ μεγάλα ἃ οὐκ ἤδειμεν·

—

37:6

συντάσσων χιόνι Γἰνου ἐπὶ τῆς γῆς. καὶ χειμὼν ὑετός, καὶ χειμὼν ὑετῶν δυναστείας αὐτοῦ.

—

37:7

ἐν χειρὶ παντὸς ἀνθρώπου κατασφραγίζει, ἴνα γνῷ πᾶς ἄνθρωπος τὴν ἑαυτοῦ ἀσθένειαν.

—

37:8

εοῆλθεν δὲ θηρία ὑπὸ σκέπην. ἡσύχασαν δὲ ἐπὶ κοίτης.

—

37:9

ἐκ ταμείων ἐπέρχονται ὀδύναι, ἀπὸ δὲ ἀκρωτηρίων ψῦχος.

—

37:10

καὶ ἀπὸ πνοῆς Ἰσχυροῦ δώσει πάγος, οἰακίζει δὲ τὸ ὕδωρ ὡς ἐὰν βούληται·

—

37:11

καὶ ἐκλεκτὸν καταπλάσσει νεφέλη. διασκορπιεῖ νέφος φῶς αὐτοῦ.

—

37:12

καὶ αὐτὸς κυλκώματα διαστρέψει, ἐν θεεβουλαθὼθ εἰς ἔργα αὐτῶν· πάντα ὅσα ἂν ἐντείληται αὐτοῖς, ταῦτα συντέτακται παρʼ αὐτοῦ ἐπὶ τῆς γῆς,

—

37:13

ἐάν εἰς παιδείαν, ἐὰν εἰς τὴν γῆν αὐτοῦ, ἐὰν εἰς ἔλεος εὑρήσει αὐτόν.

—

37:14

ἐνωτίζου ταῦτα, Ἰὼβ· στῆθι, νουθετούμενος δύναμιν Κυρίου.

—

37:15

οἴδαμεν ὅτι ὁ θεὸς ἔθετο ἔργα αὐτοῦ, φῶς ποιήσας ἐκ σκότους.

—

37:16

ἐπίσταται δὲ διάκρισιν νεφῶν, ἐξαίσια δὲ πτώματα πονηρῶν.

—

37:17

σοῦ δὲ ἡ στολὴ θερμή· ἡσυχάζεται δὲ ἐπὶ τῆς γῆς.

—

37:18

στερεώσεις μετʼ αὐτοῦ εἰς παλαιώματα, ἰσχυραὶ ὡς ὅρασις ἐπιχύσεως.

—

37:19

διὰ τἰ δἰδαξόν με, τί ἐροῦμεν αὐτῷ· καὶ παυσώμεθα πολλὰ λέγοντες.

—

37:20

μὴ βίβλος ἢ γραμματεύς μοι παρέστηκεν, ἴνα ἄνθρωπον ἑστηκὼς κατασιωπήσω;

—

37:21

πᾶσιν δʼ οὐχ ὁρατὸν τὸ φῶς, τηλαυγές ἐστιν ἐν τοῖς παλαιώμασιν, ὥσπερ τὸ παρʼ αὐτοῦ ἐπὶ νεφῶν.

—

37:22

ἀπὸ βορρᾶ νέφη χρυσαυγοῦντα· ἐπὶ τούτοις μεγάλη ἡ δόξα καὶ τιμὴ Παντοκράτορος.

—

37:23

καὶ οὐχ εὑρίσκομεν ἄλλον ὅμοιον τῇ ἰσχύι αὐτοῦ· ὁ τὰ δίκαια κρίνων, οὐκ οἴει ἐπακούειν αὐτόν;

—

37:24

διὸ φοβηθήσονται αὐτὸν οἱ ἄνθρωπο. φοβηθήσονται δὲ αὐτὸν καὶ οἱ σοφοί καρδίᾳ.

—