Ketubot — Daf 6b

מאי לאו דאי לא בעל מצי בעיל אפילו בשבת אמר רבא לא לבר משבת אמר ליה אביי והא עד מוצאי שבת ארבעה לילות קתני אלא אמר רבא כשבעל

אי כשבעל מאי קמ"ל קמ"ל דשרי למיבעל בשבת כדשמואל דאמר שמואל פירצה דחוקה מותר ליכנס בה בשבת ואע"פ שמשיר צרורות

מתיב רב יוסף חתן פטור מקרית שמע לילה הראשון עד מוצאי שבת אם לא עשה מעשה מאי לאו דטריד דבעי למיבעל אמר ליה אביי לא דטריד דלא בעיל

אמר ליה רבא ומשום טירדא פטור אלא מעתה טבעה ספינתו בים הכי נמי דפטור וכי תימא ה"נ והאמר רבי אבא בר זבדא אמר רב אבל חייב בכל המצות האמורות בתורה חוץ מן התפילין שנא' בהן (יחזקאל כד, יז) פאר

אלא אמר רבא תנאי היא דתנא חדא אם לא עשה מעשה בראשון פטור אף בשני בשני פטור אף בשלישי

ותניא אידך ראשון ושני פטור שלישי חייב

ואביי התם נמי בטירדא פליגי

והני תנאי כי הני תנאי דתניא הכונס את הבתולה לא יבעול בתחלה בשבת וחכמים מתירין

מאן חכמים אמר רבה רבי שמעון היא דאמר דבר שאין מתכוין מותר

אמר ליה אביי והא מודה ר' שמעון בפסיק רישיה ולא ימות אמר ליה לא כהללו בבליים שאין בקיאין בהטייה אלא יש בקיאין בהטייה

א"כ טורד למה לשאינו בקי יאמרו בקי מותר שאינו בקי אסור רוב בקיאין הן

אמר ליה רבא בר רב חנן לאביי אלא מעתה שושבינין למה מפה למה א"ל התם שמא יראה ויאבד

מתיב רבי אמי המפיס מורסא בשבת אם לעשות לה פה חייב ואם להוציא ממנה ליחה

[Now] does it not  mean that if he had [yet] no intercourse [with his wife] he may have intercourse [with her] even on Sabbath?2   — Said Raba: No, except Sabbath. Said Abaye to him: But it says, 'until the night following the Sabbath [one gives her] four nights'?3   — Only, said Raba, when he already had intercourse [with her].  If [it were, as you say,] after he already had intercourse, what does he let us hear?  — He lets us hear that it is allowed to have intercourse on Sabbath, as that [statement] of Samuel [teaches], for Samuel said: One may enter into a narrow opening on Sabbath,  although  he causes pebbles to break loose.