Parallel

4 Maccabees 17

Swete's Septuagint · Berean Standard Bible

17:1

ἔλεγον δὲ καὶ τῶν ορυφόρων τινές ὡς ὅτε ἔμελλεν καὶ αὐτὴ συλλαμβάνεσθαι πρὸς θάνατον, ἵνα μὴ ψαύσειέν τι τοῦ σώματος αὐτῆς, ἑαυτὴν ἔρριψεν κατὰ τῆς πυρᾶς.

—

17:2

Ὦ μήτηρ σίν ἑπτὰ παισὶν καταλύσασα τὴν τοῦ τυράννου βίαν, καὶ ἀκυρώσασα τὰς κακὰς ἐπινοίας αὐτοῦ, καὶ ἐπιδείξασα τὴν τῆς πίστεως γενναιότητα.

—

17:3

καθάπερ γὰρ σὺ στέγη ἐπὶ τοῦ στύλου τῶν παίδων γενναίως ἱδρυμένη, ἀκλινῶς ὑπήνεγκας τὸν διὰ τῶν βασάνων σεισμόν.

—

17:4

θάρρει τοιγαροῖν, ὁ μήτηρ ἱερόψυχε. τὴν ἐλπίδα τῆς ὑπομονῆς γενναίως ἔχουσα πρὸς θεόν.

—

17:5

οὐχ οὕτω σελήνη κατʼ οὐρανὸν σὺν ἄστροις σεμνὴ καθέστηκεν, ὡς σὺ τοὺς ἰσαστέρους ἑπτὰ παῖδας φωταγωγήσασα πρὸς τὴν εὐσέβειαν ἔντιμος καθέστηκας θεῷ, καὶ ἐστήρισαι ἐν οὐρανῷ σὺν αὐτοῖς.

—

17:6

ἦν γὰρ ἡ παιδοποιία σου ἀπὸ Ἀβραὰμ τοῦ παιδός.

—

17:7

Εἰ δὲ ἐξὸν ἡμῖν ἤν, ὥσπερ τινός, ζωγραφῆσαι τὴν τῆς ἱστορίας σου εὐσέβειαν, οὐκ ἂν ἔφριττον οἱ θεωροῦντες μητέρα ἑπτὰ τέκνων δι᾿ εὺσέβειαν ποικίλας βασάνους μέχρι θανάτου ὑπομείνασαν;

—

17:8

καὶ γὰρ ἄξιον ἦν καὶ ἐπὶ αὐτοῦ τοῦ ἐπιταφίου ἀναγράψαι καὶ ταῦτα τοῖς ἀπὸ τοῦ ἔθνους εἰς μνείαν λεγόμενα

—

17:9

Ἐνταῦθα φέρων ἱερεύϲ, καὶ φυνὴ φεραιά, καὶ ἑπτὰ παῖδεϲ ἐνκεκήδευνται διὰ τυράννου βίδν, τὴν Ἐβρδίων πολιτίαν καταλῦϲαι θέλοντοϲ.

—

17:10

οἳ καὶ ἐξεδίκηϲαν τὸ ἔθνοϲ εἰϲ θεὸν ἀφορῶντεϲ, καὶ μέχρι θανάτου τὰϲ βαϲάνουϲ ὑπομίναντεϲ.

—

17:11

ἀληθῶς γὰρ ἦν ἀγὼν θεῖος ὁ δι᾿ αὐτῶν γεγενημένος.

—

17:12

θλοθέτει γὰρ τότε ἀρετὴ δι᾿ ὑπομονῆς δοκιμάζουσ· τὀ νῖκος ἐν ἀφθαρσίᾳ ἐν ζωῇ πολυχρονίῳ.

—

17:13

Ἐλεαζαρ δἑ προηγωνί ζετο· ἡ δέ μήτηρ τῶν ἑπτὰ παίδων ἐνήθλει· οἱ δὲ ἀδελφοὶ ἠγωνίζοντο·

—

17:14

ὁ τύραννος ἀντηγωνίζετο· ὁ δέ κόσμος καὶ ὁ τῶν ἀνθρώπων βίος ἐθεώρει·

—

17:15

θεοσέβεια δέ ἐνίκα, τοὺς ἑαυτῆς ἀθλητὰς στεφανοῦσα.

—

17:16

τίνες οὐκ ἐθαύμασαν τοὺς τ ῆς ἀληθείας νομοθεσίας ἀθλητάς ; τίνες οὐκ ἐξεπλάγησαν

—

17:17

Αὺτός γέ τοι ὁ τύραννος καὶ ὅλον τὸ συνέδριον αὐτῶν ἐξεθαύμασαν αὐτῶν τὴν ὑπομονήν,

—

17:18

ὄι ἣν καὶ τῷ θείῳ νῦν παρεστήκασιν θρόνῳ, καὶ τὸν μακάριον βιοῦσιν αἰῶνα·

—

17:19

καὶ γάρ φησιν ὁ Μωσ ῆς Καὶ πάντες οἱ ἡγιασμένοι ὑπὸ τὰς χεῖράς σου.

—

17:20

καὶ οὐτοι οὗν ἁγιασθέντες διὰ θεὸν τετίμηνται οὐ μόνον οὗν ταύτῃ τῇ τιμῇ, ἀλλὰ καὶ τῷ δι᾿ αὐτοὺς τὸ ἔθνος ἡμῶν τοὺς πολεμίους μὴ ἐπικρατῆσαι,

—

17:21

καὶ τὸν τύραννον τιμωρηθῆναι καὶ τὴν πατρίδα καθαρισθῆναι·

—

17:22

ὧσπερ ἀντίψυχον γεγονότας τῆς τοῦ ἔθνους ἁμαρτίας καὶ διὰ τοῦ αἵματος τῶν εὐσεβῶν ἐκείνων καὶ τοῦ ἱλαστηρίου θανάτου αὐτῶν, ἡ θεία πρόνοια τὸν Ἰσραὴλ προκακωθέντα διέσωσεν.

—

17:23

πρὸς γὰρ τὴν ἀνδρίαν αὐτῶν τῆς ἀρετῆς καὶ τὴν ἐπὶ ταῖς βασάνοις αὐτῶν ὑπομονὴν ὁ τύραννος ἀφιδὼν Ἀντίοχος ἀνεκήρυξεν τοῖς στρατιώταις αὐτοῦ εἰς ὑπόδιγμα τὴν ἐκείνων ὑπομονὴν·

—

17:24

ἔσχεν τε αὐτοὺς γενναίους καὶ ἀνδρείους εἰς πεζομαχίαν καὶ πολιορκίνν· καὶ ἐκπορθήσας ἐνίκησεν πάντας τοὺς πολεμίους.

—